Шар айргийг ашиглаж болох 8 зүйл

Өмнө нь бид Колаг юунд ашиглаж болох талаар оруулж байсан билээ. Харин энэ удаад шар айргийг хэрхэн ашиглаж болох талаар хамтдаа сонирхоцгооё. Мэдээж хамгийн сайхан бөгөөд үр өгөөжтэй ашиглах тал нь ходоодондоо оруулах гэдэгтэй маргах хүн гарахгүй л болов уу гэж бодож байна :P Хэдийгээр цомхон боловч сонирхолтой, бас мэдүүштэй мэдээллийг хүлээн авна уу

1. Гэр ахуйн тавилгаа өнгөл

Сайхан шар айраг уунгаа гэрийнхээ тавилгуудыг гялалзтал өнгөлж болох нь байна. Яаж вэ? гэж үү.. Зүгээр л алчуураа шар айргаараа норго, тэгээд арч. Сайхан өнгө, илүү гоё харагддаг гэнэ шүү

2 Биеэ угаа

 Усанд орох ванндаа хэдэн аяга шар айраг хийчих. Шар айрагны хөрөнгө арьсыг чинь өнгө оруулж, илүү зөөлөн торгомсог болгодог гэнэ. Итгэнэ үү, байна уу өөрсдөө мэдэцгээ :P

3. Махаа амтал

Дарсны оронд шар айраг хэрэглээд үзээрэй. Амтыг улам сайхан болгоод зогсохгүй махыг улам зөөлрүүлж өгдөг гэнэ.

4. Зүлгийг маш сайн ургуулна

Таны тарьсан зүлэг алаг цоог ургаад урмыг чинь хугалж байна уу? Тэгвэл тэр ургахгүй байгаа 

хэсгээ шар айргаар услаарай. Дороо ургаад ирнэ. Өвсний ургалтыг сайжруулдаг тэжээл, сахар зэрэг нь шар айрганд байдаг аж.

5 – Эмгэн хумснуудыг устга

 Задгай амтай саванд шар айраг хийгээд цэцэрлэгтээ нүх ухаж байрлуул. Тэгэнгүүт эмгэн хумснууд ирж унах юм гэнээ.

6. Хулгануудыг тонилго

Мөн л задгай амтай саванд хямдхан шар айраг хийгээд ямар нэг өндөрлөг юмны доор тавь. Хөөрхий хулганууд шар айрагны үнэрээр ирээд дээрээс нь үсэрч унаад гарч чадахгүй нөгөө ертөнцөд очих нь байна. Хулгана  хүртэл архинаас болж амьдралаа дуусгаж байна шд.

7. Гэдэс өвтгөхийг зогсооно

Гэдэс чинь өвдөөд байна уу? Тэгвэл шар айраг уух хэрэгтэй. Нүүрстөрөгчөөр баялаг ундаа гэдэс өвдөхийг намдаадаг гэнэ. Тийм учраас гэдэс өвдөхөд бас кола уудаг юм байна шүү. Гэхдээ ходоодны шарх болон үрэвсэлтэй үед хэрэглэж болохгүй.

8. Алтан эдлэлээ өнгөл

Алчуураа шар айргаар норгоод алтан эдлэлээ үрж арчих хэрэгтэй. Дараа нь хуурай алчуураар арчина. Сайхан гялалзах болно.